NLB Banka sh. a., me seli në Prishtinë, shpall

KONKURS 

Për zgjedhjen e kandidatit në vendin e punës: Analist Biznesi në Bankimin Digjital (dy vende pune)

Kërkojmë Analist Biznesi me vëmendje ndaj detajeve për të mbështetur programin e transformimit të Bankës. Roli përfshin mbledhjen e kërkesave, analizën e proceseve dhe sigurimin e realizimit të suksesshëm të iniciativave digjitale. Fokus kryesor do të jenë projektet që lidhen me bankimin mobil, menaxhimin e dokumenteve, sistemet CRM dhe procesin e onboarding-ut digjital, duke bashkëpunuar ngushtë me palët e përfshira për të lidhur nevojat e biznesit me zgjidhjet teknologjike.

• Mbledhja e Kërkesave: Bashkëpunim me njësitë e biznesit dhe palët e interesit për identifikimin, dokumentimin dhe verifikimin e kërkesave funksionale dhe jo-funksionale;
• Analiza & Optimizimi i Proceseve: Analizimi i rrjedhave aktuale të punës dhe propozimi i përmirësimeve për të mbështetur objektivat e transformimit digjital;
• Mbështetje në Dizajnin e Zgjidhjeve: Bashkëpunim me arkitektët e IT-së dhe zhvilluesit për të siguruar që zgjidhjet përputhen me nevojat e biznesit dhe standardet rregullatorë;
• Dokumentimi: Përgatitja e dokumenteve të detajuara të kërkesave të biznesit (BRD), user stories dhe hartave të proceseve;
• Angazhimi me Partnerët dhe Strukturat e Brendshme: Veprim si ndërmjetës mes ekipeve të biznesit dhe ekipeve teknike, duke siguruar kuptim dhe përputhje të qartë;
• Testimi & Validimi: Mbështetje në UAT (User Acceptance Testing) përmes definimit të rasteve të testimit dhe verifikimit të dorëzimeve kundrejt kërkesave;
• Menaxhimi i Ndryshimeve: Asistim në planet e trajnimit dhe komunikimit për të siguruar adoptim të lehtë të sistemeve dhe proceseve të reja;
• Pajtueshmëria & Menaxhimi i Rrezikut: Sigurimi që zgjidhjet respektojnë rregulloret bankare, ligjet për privatësinë e të dhënave dhe qeverisjen e brendshme.
• Raportimi: Raportim i rregullt te Menaxheri i Projektit dhe tek Udhëheqësi i Njësisë sipas hierarkisë organizative.

• Përvojë pune si analist biznesi së paku 3 vjet në sektorin bankar/shërbime financiare dhe/ose kompani zhvillimi softuerësh;
• Kuptim i mirë i proceseve të bankimit digjital (bankimi mobil, CRM, onboarding);
• Aftësi në teknikat e mbledhjes së kërkesave dhe përdorimin e mjeteve të dokumentimit;
• Njohuri mbi metodologjitë Agile dhe Waterfall;
• Aftësi të shkëlqyera analitike, zgjidhje problemesh dhe komunikimi;
• Aftësi për krijimin e rrjedhave të proceseve, use cases dhe user stories.

• Njohuri mbi sistemet e menaxhimit të dokumenteve dhe kontrollet e pajtueshmërisë;
• Eksperiencë me platformat CRM (p.sh., Salesforce);
• Kuptim mbi integrimet API dhe rrjedhat e onboarding-ut digjital;
• Njohuri mbi kuadrot rregullatore (PSD2, GDPR);
• Certifikime si CBAP, PMI-PBA ose Agile BA.

Aplikacioni duhet të plotësohet direkt në web faqen e Bankës www.nlb-kos.com, deri më datën 14 Janar 2026. Me rastin e plotësimit të aplikacionit duhet t’i bashkëngjitet edhe kopja e diplomës së kualifikimit dhe CV-ja.