NLB Banka sh. a., me seli në Prishtinë, shpall

KONKURS 

Ekspert për AML në Prishtinë  (një vend pune)

• Diplomë universitare në ekonomi, financa, kontabilitet, administrim biznesi, juridik ose fusha të ngjashme (e domosdoshme);
• Së paku 5 vite përvojë në fushën e Parandalimit të Pastrimit të Parave dhe Luftimit të Financimit të Terrorizmit;
• Njohuri shumë të mira të legjislacionit për PPP/LFT në Kosovë dhe standardeve ndërkombëtare;
• Njohuri praktike mbi proceset KYC dhe monitorimin e transaksioneve;
• Aftësi të zhvilluara analitike dhe vëmendje e lartë ndaj detajeve;
• Njohuri të avancuara të Microsoft Office, posaçërisht në Excel;
• Shkathtësi të shkëlqyeshme komunikuese;
• Njohuri të mira gjuhës angleze (e domosdoshme).

• Eksperti i AML-së është njëkohësisht edhe Zëvendës Zyrtar për Pajtueshmëri, me qëllim të ndërveprimit dhe shkëmbimit të informacioneve me BQK-në dhe Njësinë për Inteligjencë Financiare (NJIF-K);
• Koordinon kërkesat që rrjedhin dhe adresohen nga NLB Grupi në fushën e parandalimit të pastrimit të parave dhe pengimit të financimit të terrorizmit;
• Koordinon planifikimin, organizimin, implementimin, kontrollin dhe mbarëvajtjen e programit të trajnimeve në fushën e parandalimit të pastrimit të parave dhe pengimit të financimit të terrorizmit;
• Siguron mbarëvajtjen dhe koordinon hartimin e vlerësimit të rrezikut në nivel të Bankës në fushën e parandalimit të pastrimit të parave dhe pengimit të financimit të terrorizmit;
• Koordinon masat e kontrollit sekondar në fushën e parandalimit të pastrimit të parave, pengimit të financimit të terrorizmit dhe sanksioneve;
• Koordinon procesin e hartimit dhe implementimit të skenarëve për sinjale alarmuese për parandalimin e pastrimit të parave dhe pengimit të financimit të terrorizmit;
• Koordinon procesin e hartimit dhe implementimit të kritereve për vlerësimin e rrezikut të klientëve në fushën e parandalimit të pastrimit të parave dhe sanksioneve;
• Shqyrton për aprovim kërkesat për krijimin e marrëdhënieve të afarizmit me klientë me rrezik të lartë;
• Shqyrton për aprovim kërkesat për financimin e produkteve kreditore për shtete me rrezik të lartë;
• Shqyrton kërkesat nga bankat korrespondente lidhur me marrëdhëniet afariste dhe aktivitetet transaksionale;
• Në mënyrë proaktive angazhohet në zbatimin e planit vjetor të punës dhe përmbylljen e rekomandimeve që rezultojnë nga Auditorët e Brendshëm, BQK-ja, NJIF-K dhe NLB Grupi;
• Në mënyrë proaktive angazhohet në asistimin e njësive organizative në zbatimin e masave të kujdesit të duhur dhe kujdesit të duhur të shtuar ndaj klientëve, përfshirë profilin e klientëve, aktivitetet transaksionale, sinjalet alarmuese dhe masat e sanksioneve, si dhe në përmbushjen e programit të PPP/LFT në përgjithësi;
• Asiston Drejtorin e Sektorit në përgatitjen e politikave, procedurave, raporteve tremujore dhe vjetore në fushën e parandalimit të pastrimit të parave dhe pengimit të financimit të terrorizmit.

Aplikacioni duhet të plotësohet direkt në web faqen e Bankës, deri më 5 mars 2026. Me rastin e plotësimit të aplikacionit duhet t’i bashkëngjitet kopja e diplomës së kualifikimit si dhe CV-ja. Vetëm kandidatët që i plotësojnë kualifikimet dhe aftësitë e kërkuara sipas këtij konkursi, do të ftohen në procesin e përzgjedhjes.