NLB Banka sh. a., me seli në Prishtinë, shpall

KONKURS 

Për zgjedhjen e kandidatit në vendin e punës: Menaxher i Projektit në Bankimin Digjital (dy vende pune)

Kërkojmë Menaxher të Projekteve me përvojë për të udhëhequr dhe realizuar iniciativat strategjike brenda programit tonë të transformimit të Bankës, me fokus kryesor në projektet e bankimit digjital. Menaxheri i Projektit do të jetë përgjegjës për planifikimin, zbatimin dhe monitorimin e projekteve që përmirësojnë përvojën e klientit, thjeshtojnë operacionet dhe nxisin inovacionin digjital në shërbimet tona bankare.

• Lidership i Programit: Menaxhimi i dorëzimit nga fillimi deri në fund të projekteve digjitale brenda programit të transformimit, duke siguruar përputhje me objektivat strategjike;
• Planifikimi i Projektit: Përcaktimi i qëllimeve, objektivave, afateve dhe kërkesave për burime; zhvillimi i planeve të detajuara dhe buxheteve të projektit;
• Angazhimi me Partnerët dhe Strukturat e Brendshme: Angazhimi me udhëheqësit e njësive të Bankës, ekipet e IT-së dhe palët e jashtme për të siguruar bashkëpunim dhe komunikim efektiv;
• Menaxhimi i Rreziqeve dhe Problemeve: Identifikimi, vlerësimi dhe zbutja e rreziqeve; zgjidhja e problemeve në kohë për të ruajtur ritmin e projektit;
• Qeverisja dhe Raportimi: Sigurimi i përputhjes me standardet e qeverisjes së brendshme; ofrimi i raporteve të rregullta për komitetet drejtuese, me raportim direkt te Udhëheqësi i njësisë, te COO si dhe Bordit Udhëheqës të Bankës.

• Eksperiencë praktike së paku 3 vjet në menaxhimin e projekteve brenda sektorit bankar/shërbimeve financiare ose industrisë së zhvillimit softuerik;
• Kuptim i mirë mbi platformat e bankimit digjital, bankimin mobil, onboarding digjital, sistemet e menaxhimit të dokumenteve, zgjidhjet me bazë AI dhe trendet fintech;
• Ekspertizë në metodologjitë e menaxhimit të projekteve (Agile, Waterfall ose hibride);
• Aftësi të shkëlqyera në menaxhimin e palëve të interesit dhe komunikim;
• Aftësi të larta analitike dhe zgjidhjeje sfidash;
• Njohuri mbi mjetet e menaxhimit të projekteve (p.sh., MS Project, Jira, Trello).

• Certifikime si PMP, PRINCE2 ose Agile;
• Eksperiencë me përmirësimin e sistemeve bazë bankare dhe/ose integrimet API dhe/ose zgjidhjet cloud;
• Njohuri mbi standardet e sigurisë kibernetike dhe privatësinë e të dhënave në shërbimet financiare.
• Aftësi për menaxhimin e buxheteve të projekteve.

Aplikacioni duhet të plotësohet direkt në web faqen e Bankës www.nlb-kos.com, deri më datën 14 Janar 2026. Me rastin e plotësimit të aplikacionit duhet t’i bashkëngjitet edhe kopja e diplomës së kualifikimit dhe CV-ja.