NLB Banka sh. a., me seli në Prishtinë, shpall

KONKURS 

Për zgjedhjen e kandidatit në vendin e punës: Udhëheqës i Ekspoziturës në Malishevë  (një vend pune);

• Diplomë universitare në Fakultetin Ekonomik;
• Obligohet të ketë së paku 5 vjet përvojë pune në shërbimet bankare;
• Preferohet të jetë kontabilist i certifikuar dhe t’i ketë 3 vjet përvojë pune në pozita udhëheqëse;
• Aftësi të mira të komunikimit, nder-personale dhe të menaxhimit;
• Obligohet njohja e gjuhës angleze.

• Udhëheqja, shitja, raporti me palët, të punësuarit dhe administrimi i ekspoziturës;
• Është përgjegjës për realizimin e planeve të caktuara te shitjes sipas objektivave;
• Udhëheq njësinë punuese, dhe kujdeset për organizimin dhe koordinimin e proceseve të punës;
• Koordinon dhe drejton aktivitetet nëpër sportelet e ekspoziturës;
• Përpilon Planin e biznesit të ekspoziturës dhe kujdeset për realizimin e tij në koordinim me drejtorin e Filialit;
• Përcjellja dhe kujdesi për depozitat e klientëve dhe kontakti me depozitarët e bankës dhe me ata potencial;
• Përcjellja e realizimit dhe e kthimit të të gjitha llojeve të kredive, përcjellja dhe analiza e afarizmit të klientëve;
• Promovimi dhe shitja aktive e produkteve dhe shërbimeve bankare dhe kanaleve bashkëkohore (kartela, e-klik, etj);
• Promovon dhe monitoron shkallën e digjitalizimit në mënyrë pro-aktive në bazë të klientëve ekzistues dhe të rinj në nivel të Ekspoziturës;
• Promovimi dhe shitja aktive e shërbimeve bankare;
• Vendosja e kontakteve me komitentët, si dhe përgatitja dhe zbatimi i takimeve afariste;
• Kujdeset dhe përcjell likuiditetin e ekspoziturës dhe sporteleve në kuadër të ekspoziturës;
• Përgatitja e propozimeve për organet vendimmarrëse si dhe vendosja në përputhje me autorizimet e deleguara;
• Identifikimi i nevojave për të punësuar të rinj dhe njoftimi i niveleve më të larta për këto nevoja;
• Stimulon stafin për vijimin e trajnimeve me anë të pjesëmarrjes virtuale dhe fizike;
• Hartimi i raporteve dhe informatave të tjera për funksionimin dhe punën e ekspoziturës;
• Raporton drejtpërdrejt te drejtori i filialit, drejtori i Divizionit për Retail si dhe të Bordi Udhëheqës i Bankës;
• Kryerja e punëve dhe detyrave të tjera që i besohen nga Bordi Udhëheqës i Bankës.

Aplikacioni duhet të plotësohet direkt në web faqen e Bankës www.nlb-kos.com, deri më datën 10 Dhjetor 2025. Me rastin e plotësimit të aplikacionit duhet t’i bashkëngjitet edhe kopja e diplomës së kualifikimit dhe CV-ja.