NLB Banka sh. a., me seli në Prishtinë, shpall

KONKURS 

Për zgjedhjen e kandidatit në vendin e punës: Zhvillues i Lartë i Teknologjisë Informative në Bankimin Digjital (dy vende pune)

Kërkojmë një Zhvillues të Lartë IT (senior), me nivel  të avancuar, për t’u bashkuar me programin tonë të transformimit të Bankës, me fokus në dizajnimin, zhvillimin dhe implementimin e zgjidhjeve inovative të bankimit digjital. Ky rol përfshin angazhim në projekte komplekse që modernizojnë arkitekturën teknologjike, përmirësojnë përvojën e klientit dhe integrojnë shërbime digjitale të avancuara.

• Zhvillimi i Zgjidhjeve: Dizajnimi, zhvillimi dhe mirëmbajtja e aplikacioneve digjitale bankare, API-ve dhe shtresave të integrimit;
• Lidership Teknik: Ofrimi i udhëzimeve dhe mentorimit për zhvilluesit junior; sigurimi i respektimit të standardeve të kodimit dhe praktikave më të mira;
• Integrimi i Sistemeve: Bashkëpunimi me arkitektët dhe analistët e biznesit për integrimin e zgjidhjeve digjitale me sistemet bazë bankare;
• Optimizimi i Performancës: Sigurimi që aplikacionet janë të sigurta, të shkallëzueshme dhe të optimizuara për performancë të lartë;
• Sigurimi i Cilësisë: Rishikimi i kodit, testimeve dhe mbështetja e ekipeve QA në testimet funksionale dhe të përformancës;
• Bashkëpunimi: Bashkëpunim me menaxherët e projekteve, dizajnerët UX dhe ekipet e infrastrukturës për të ofruar përvoja digjitale pa ndërprerje;
• Inovacioni: Monitorimi i teknologjive të reja dhe propozimi i zgjidhjeve që rrisin kapacitetet e bankimit digjital;
• Pajtueshmëria: Sigurimi që të gjitha aktivitetet e zhvillimit janë në përputhje me kërkesat rregullatore dhe standardet e sigurisë së brendshme;
• Raportimi: Raportim i rregullt tek Menaxheri i Projektit dhe Udhëheqësi i Njësisë sipas hierarkisë organizative.

• Përvojë praktike së paku 3 vjet në zhvillimin e softuerit brenda sektorit bankar ose shërbimeve financiare;
• Aftësi të larta në Java, .NET ose gjuhë të ngjashme për nivel ndërmarrjeje;
• Përvojë në zhvillimin, testimin dhe integrimin e API-ve (REST, SOAP);
• Kupton mirë arkitekturën e mikroshërbimeve dhe platformat Cloud (Azure, AWS);
• Përvojë me teknologjitë e bazës së të dhënave Microsoft SQL;
• Njohuri mbi praktikat e kodimit të sigurt dhe parimet e sigurisë kibernetike;
• Njohuri mbi metodologjitë Agile dhe mjetet e zhvillimit (Jira, Git);
• Aftësi të shkëlqyera për zgjidhjen e sfidave dhe debugim.

• Përvojë me platformat e bankimit digjital, zhvillimin e aplikacioneve mobile dhe sistemet e pagesave;
• Njohuri mbi praktikat DevOps dhe pipeline-t CI/CD;
• Kuptim mbi rregulloret e privatësisë së të dhënave (GDPR, PSD2);
• Certifikime relevante (p.sh., Microsoft Certified: Azure Developer, Java SE, AWS Developer Associate).

Aplikacioni duhet të plotësohet direkt në web faqen e Bankës www.nlb-kos.com, deri më datën 14 Janar 2026. Me rastin e plotësimit të aplikacionit duhet t’i bashkëngjitet edhe kopja e diplomës së kualifikimit dhe CV-ja.