NLB Banka sh. a., me seli në Prishtinë, shpall:

KONKURS

për zgjedhjen e kandidatit për vendin e punës:

Zyrtar në Qendrën Kontaktuese (katër vende pune)

• Diplomë universitare në fushën e Ekonomisë, Menaxhmentit, Administrimit të Biznesit ose fushë të ngjashme;
• Së paku 1 vit përvojë në banka ose institucione të tjera financiare;
• Njohuri të produkteve dhe shërbimeve bankare;
• Aftësi të shkëlqyeshme komunikuese dhe bashkëpunimi në ekip;
• Njohuri të mira të Microsoft Office;
• Njohja e mirë e gjuhës angleze.

• Ofron informacione të përgjithshme për shërbimet dhe produktet e Bankës, si dhe realizon shërbime për klientët, përfshirë pranimin e kërkesave, urdhrave dhe ndryshimeve, përmes të gjitha kanaleve të komunikimit;
• Kryen operacione bazike bankare përmes kanaleve të shitjes dhe komunikimit;
• Orienton klientët drejt njësive, shërbimeve ose kontakteve përkatëse brenda Bankës;
• Ofron këshillim financiar për klientët, në përputhje me kompetencat e përcaktuara;
• Kryen transaksione sipas urdhrave të klientëve;
• Kryen transaksione pagesash në përputhje me procedurat në fuqi;
• Monitoron transaksione të dyshimta dhe vepron në përputhje me rregulloret dhe procedurat përkatëse;
• Ofron mbështetje teknike, teknologjike dhe profesionale për përdoruesit e jashtëm të zgjidhjeve informative, përmes kanaleve të ndryshme;
• Përpilon dhe mirëmban bazën e njohurive (knowledge database) në fushën përkatëse të punës;
• Trajton dhe zgjidh ankesat e klientëve në përputhje me procedurat e Bankës;
• Propozon dhe/ose zbaton përmirësime në proceset dhe shërbimet e punës;
• Merr pjesë në projekte ekipore dhe grupe pune.

Aplikacioni duhet të plotësohet direkt në web faqen e Bankës https://www.nlb-kos.com/sq/per-banken/konkurs-per-pune, deri më 11 qershor 2026. Me rastin e plotësimit të aplikacionit, duhet të bashkëngjitet kopja e diplomës së kualifikimit dhe CV-ja.

Vetëm kandidatët që i plotësojnë kualifikimet dhe aftësitë e kërkuara sipas këtij konkursi, do të ftohen në procesin e përzgjedhjes.