NLB Banka në partneritet me Fondin Kosovar për Garanci Kreditore (FKGK) ka nënshkruar marrëveshjen e re për zgjerimin e skemës garantuese “Dritarja e Rimëkëmbjes dhe Mundësive të Gjelbëra – GROW”, duke ofruar kushte dukshëm më të favorshme për bizneset që investojnë në energji të ripërtëritshme dhe efikasitet energjetik.
Këto përmirësime synojnë të fuqizojnë investimet e NMVM-ve në teknologji të pastra dhe zgjidhje që mbrojnë mjedisin, duke kontribuar në zhvillimin e qëndrueshëm të Kosovës.
Në kuadër të përpjekjeve për të mbështetur investimet në efiçiencë të energjisë (EE) dhe energji të ripërtëritshme (RE), ndryshimet në dritare janë:
Këto përmirësime në kuadër të dritares GROW, së bashku me bashkëpunimin e konsoliduar ndërmjet NLB Bankës dhe FKGK-së, do të ndihmojnë ndjeshëm qasjen në financa për investimet e NMVM-ve në pajisje që rrisin efikasitetin e energjisë dhe prodhimin e energjisë së ripërtëritshme. Kjo qasje synon të orientojë kapitalin drejt teknologjive të pastra dhe zgjidhjeve që mbrojnë mjedisin, duke kontribuar kështu në zhvillimin e qëndrueshëm të Kosovës.
Gem Maloku, Kryetar i Bordit Udhëheqës të Bankës theksoi: ““NLB Banka është e përkushtuar të mbështesë zhvillimin e qëndrueshëm ekonomik në Kosovë, duke u orientuar drejt investimeve që sjellin vlerë afatgjate për bizneset dhe mjedisin. Përmes zgjerimit të Dritares GROW dhe kushteve të reja më të favorshme, po u japim ndërmarrjeve mundësi më të mëdha për të investuar në efikasitet energjetik dhe prodhim të energjisë së ripërtëritshme. Ky partneritet i konsoliduar me FKGK-në është dëshmi e angazhimit tonë për të lehtësuar qasjen në financa, për të fuqizuar sektorin privat dhe për të kontribuar në transformimin e ekonomisë drejt një modeli më të gjelbër dhe më të qëndrueshëm. NLB Banka do të vazhdojë të jetë një partner i besueshëm për bizneset që synojnë inovacionin dhe rritjen e përgjegjshme.”
Drejtori menaxhues i FKGK-së, z. Besnik Berisha, theksoi:
“Me këtë marrëveshje po e zgjerojmë dhe e thellojmë më tej bashkëpunimin tonë afatgjatë me NLB Bankën, si një nga partnerët kryesorë në lehtësimin e qasjes në financa për ndërmarrjet kosovare. Në këtë kuadër, po e fuqizojmë rolin e Dritares GROW si një motor të ekonomisë së gjelbër në Kosovë: përmes kushteve më të favorshme të garancisë, afateve më të gjata të shlyerjes dhe shumave më të larta të kredisë, po u krijojmë bizneseve hapësirë më të madhe për të investuar në energji të pastër, efikasitet energjetik dhe teknologji të qëndrueshme. Këto përmirësime e konsolidojnë FKGK-në si partner zhvillimor që jo vetëm lehtëson qasjen në financa, por edhe orienton kapitalin drejt projekteve që mbrojnë mjedisin dhe nxisin rritjen e qëndrueshme ekonomike, ndërsa në vijim do të zgjerojmë edhe më shumë ndikimin e Dritares GROW përmes marrëveshjeve me të gjitha bankat partnere.”
Që nga viti 2016, kur NLB Banka u bë institucion i regjistruar financiar në FKGK, ky partneritet ka mundësuar disbursime mbi 51 milionë euro kredi të mbështetura me garanci nga FKGK, duke dëshmuar rol të rëndësishëm në mbështetjen e ndërmarrjeve të vogla dhe të mesme në vend. Kjo marrëveshje e sotme, bashkëpunimi mes dy institucioneve dëshmon vendosmërinë e dy institucioneve në angazhimin e lehtësimit të qasjes në financa.
Sot u nënshkrua marrëveshja e bashkëpunimit ndërmjet NLB Bankës dhe Fakultetit Ekonomik të Universitetit të Prishtinës, me qëllim të formalizimit dhe forcimit të partneritetit ndërmjet sektorit bankar dhe atij akademik, si dhe mbështetjes së zhvillim...
