Llogaritë dhe Pakot
NLB Pay by Link
Pay by Link është një shërbim i NLB Banka që u mundëson bizneseve të pranojnë pagesa online me kartelë, në mënyrë të thjeshtë dhe praktike, pa pasur nevojë për një dyqan online apo integrime teknike të komplikuara.
Pa Dyqan
Online
Pse të zgjidhni Pay by Link?
Pa dyqan online
Pranoni pagesa online me kartelë pa pasur nevojë të ndërtoni apo mirëmbani një platformë e-commerce.
Pa integrime teknike
Krijoni linqe pagese menjëherë nga platforma, pa nevojë për zhvillim softuerik apo kode komplekse.
Siguri maksimale
Klienti kryen pagesën në mënyrë të sigurt me kartelë, pa pasur nevojë të jetë fizikisht i pranishëm në pikën e shitjes.
Shpërndarje me një klik
Dërgoni linkun e pagesës me lehtësi te klienti përmes Email-it, SMS-it apo rrjeteve sociale (WhatsApp, Viber, Instagram).
Flexibilitet në shitje
Ideale për shitje përmes telefonit, rrjeteve sociale apo shërbimeve të personalizuara pa kufizim gjeografik.
Kontroll dhe monitorim
Monitoroni rezultatin dhe statusin e çdo transaksioni në kohë reale përmes platformës suaj të pagesave.
Si funksionon Pay by Link?
Procesi i pranimit të pagesave është i thjeshtë dhe realizohet në disa hapa:
1.
Krijimi i kërkesës për pagesë
Biznesi hyn në platformën e pagesave dhe vendos shumën e pagesës, të dhënat e klientit dhe informacionet e nevojshme për transaksionin.
2.
Gjenerimi i linkut të pagesës
Pasi plotësohen të dhënat, biznesi gjeneron linkun përmes opsionit Pay by Link.
3.
Dërgimi i linkut te klienti
Linku i krijuar i dërgohet klientit përmes emailit, SMS-it apo rrjeteve sociale.
4.
Realizimi i pagesës nga klienti
Klienti hap linkun, plotëson të dhënat e kartelës në formularin e pagesës dhe konfirmon transaksionin.
5.
Konfirmimi i pagesës
Pas përfundimit të procesit, biznesi mund të kontrollojë rezultatin e transaksionit përmes platformës së pagesave, ndërsa klienti informohet për statusin e pagesës.
Filloni të pranoni pagesa online thjesht me një link!
Konsulencë personale
Na vizitoni!
Konsultohuni me këshilltarët tanë dhe gjeni zgjidhjen e duhur për ju.
Ju kontaktojmë ne
Kërkoni një telefonatë nga ne!
Lini të dhënat tuaja dhe ne do t’ju kontaktojmë sa më shpejt.
Për më shumë info na telefononi në numrin 038 744 100, na shkruani në qendrakontaktuese@nlb-kos.com, ose vizitoni një nga degët tona më të afërta.
Pyetjet Më të Shpeshta
NLB Banka ju ofron përgjigje për çdo paqartësi që mund të keni
1. A më nevojitet një dyqan online (uebfaqe) për të përdorur Pay by Link?
Jo. Ky është avantazhi kryesor i Pay by Link. Ju mund të pranoni pagesa me kartelë nga klientët tuaj pa pasur nevojë për uebfaqe, platformë e-commerce apo integrime teknike. Ndërlidhja bëhet drejtpërdrejt përmes linkut të krijuar.
2. Përmes cilave kanale mund t’ia dërgoj linkun e pagesës klientit?
Linkun e gjeneruar mund t’ia dërgoni klientit përmes çfarëdo kanali digjital të komunikimit që përdorni me të, përfshirë: Email, SMS, WhatsApp, Viber, Instagram, Facebook Messenger, apo çfarëdo aplikacioni tjetër mesazhesh.
3. Cilat kartela bankare pranohen përmes Pay by Link?
Sistemi mbështet pagesa me të gjitha kartelat kryesore bankare Visa dhe Mastercard, të lëshuara si nga bankat vendore ashtu edhe nga ato ndërkombëtare.
4. Sa i sigurt është procesi i pagesës për klientin dhe biznesin?
Procesi është 100% i sigurt. Pagesa realizohet përmes platformës zyrtare të pagesave të NLB Banka, e cila mbështetet në standardet më të larta të sigurisë ndërkombëtare (si 3D Secure / Visa Secure & Mastercard Identity Check). Të dhënat e kartelës së klientit janë plotësisht të mbrojtura.
5. Si e di biznesi që pagesa nga klienti është realizuar me sukses?
Sapo klienti konfirmon transaksionin, ju mund të kontrolloni statusin e pagesës në kohë reale përmes portalit/platformës suaj të pagesave. Po ashtu, klienti merr menjëherë konfirmimin vizual në ekranin e tij për transaksionin e kryer.
6. Çfarë afati kohor / vlefshmëri ka linku i krijuar për pagesë?
Gjatë krijimit të kërkesës për pagesë në platformë, ju mund të përcaktoni kohëzgjatjen e vlefshmërisë së linkut (p.sh. i vlefshëm për një transaksion të vetëm apo me afat skadence me kohë), duke parandaluar kështu keqpërdorimet ose pagesat e dyfishta.
7. Si mund të aplikoj për shërbimin Pay by Link nga NLB Banka?
Aplikimi është i thjeshtë: mund të plotësoni formularin e aplikimit online në këtë faqe, të kërkoni një telefonatë nga këshilltarët tanë, ose të vizitoni degën më të afërt të NLB Banka për të nënshkruar marrëveshjen e shërbimit.
