Letër zotim

NLB Banka Kosovë me krenari mbështet Kodin për Financimin e Grave Sipërmarrëse (në vijim “WE Finance Code” ose Kodi), një iniciativë globale e cila synon të mbyllë boshllëqet në financim dhe të largojë barrierat për ndërmarrjet mikro, të vogla dhe të mesme (NMVM) të zotëruara ose të udhëhequra nga gratë. Si nënshkruese, NLB Banka angazhohet të bashkëpunojë me partnerët kombëtarë për të ofruar lidership, për të forcuar sistemet e të dhënave dhe për të ndërmarrë veprime konkrete që fuqizojnë gratë sipërmarrëse dhe avancojnë barazinë gjinore në sektorin financiar.

Si Nënshkruese e WE Finance Code, NLB Banka Kosovë angazhohet në sa vijon në kuadër të tre shtyllave kryesore të Kodit:

Angazhimet për Lidership

1. NLB Banka Kosovë ka emëruar Dafina Hasani‑Ibrahimi (Drejtore e Korporatave) dhe Sadije Skeja (Person përgjegjës për segmentin Mikro) si Kampione të Kodit WE Finance.
   Ato do të përfaqësojnë institucionin në koalicionin kombëtar, do të koordinojnë zbatimin e angazhimeve brenda bankës dhe do të shërbejnë si pika kyçe për harmonizimin e politikave dhe praktikave me objektivat e koalicionit.
2. NLB Banka do të përgatisë dhe klasifikojë të dhënat e klientëve dhe portofolit sipas përkufizimit kombëtar të ndërmarrjeve të zotëruara dhe të udhëhequra nga gratë (WMSMEs).
   Ndërmarrjet e zotëruara nga gratë do të konsiderohen ato me të paktën 51% pronësi femërore, ndërsa ndërmarrjet e udhëhequra nga gratë ato ku një grua është ekzekutive, përfaqësuese ose person i autorizuar i biznesit. Ky klasifikim do të përdoret për segmentimin e portofolit dhe raportim.
3. NLB Banka do të promovojë aktivisht NMVM-të e udhëhequra nga gratë përmes fushatave të dedikuara të marketingut.
   Të paktën dy fushata në vit do të theksojnë produktet dhe shërbimet për gratë sipërmarrëse duke përdorur platformat dixhitale dhe rrjetet sociale. Banka do të prezantojë histori suksesi dhe kliente të reja për të rritur dukshmërinë dhe për të nxitur mbështetjen e komunitetit.

Angazhimet për të Dhënat

1. NLB Banka do të disagregojë portofolin e saj të kredive dhe depozitave sipas gjinisë dhe do të raportojë rregullisht pjesën e WMSME-ve (biznese të vogla dhe të mesme të udhëhequra nga gratë) te Banka Qendrore e Kosovës. Sistemet dhe strukturat e të dhënave do të adaptohen për t’iu përgjigjur kërkesave të BQK‑së.
2. NLB Banka do të zbatojë përkufizimin kombëtar të WMSME-ve në të gjithë bazën e saj të klientëve, duke mundësuar ndjekje dhe analizim sistematik. Do të krijohen dhe raportohen sete të dhënash të bazuara në sistemin qendror bankar.
3. NLB Banka do të adaptojë sistemet e saj të informacionit menaxherial për të mundësuar raportimin e disagreguar sipas gjinisë te Banka Qendrore. Të dhënat do të regjistrohen dhe raportohen veçmas për portofolët e udhëhequr nga gratë, duke mbështetur dizajn më të mirë të produkteve dhe vendimmarrje më efektive.
4. NLB Banka do të përfshijë të dhëna të portofolit të disagreguara sipas gjinisë në Raportin e saj Vjetor, si dhe do të publikojë të dhëna të agreguara online për të siguruar transparencë. Këto raporte do të ilustrojnë pjesën e WMSME‑ve në portofolin e përgjithshëm dhe progresin me kalimin e kohës.

Angazhimet për Veprim

1. NLB Banka do të rishikojë produktet e saj të kredisë për të siguruar që ato adresojnë nevojat specifike të bizneseve të udhëhequra nga gratë.
   Do të aplikohen kushte preferenciale për produkte të caktuara, duke u mbështetur në produktin e dedikuar për gratë të zhvilluar me BERZH-in.

2. NLB Banka do të dizajnojë dhe promovojë paketa llogarie për WMSMEs, duke përfshirë shërbime të bankingut digjital, tarifa më të ulëta mirëmbajtjeje dhe norma preferenciale të interesit për kredi.

3. NLB Banka do të përfshijë një seksion të dedikuar në Raportin Vjetor duke filluar nga viti 2026, i cili do të paraqesë të dhëna të disagreguara sipas gjinisë për punonjësit, klientët dhe portofolin. Raporti do të theksojë progresin në mbështetjen e grave sipërmarrëse dhe zbatimin e angazhimeve të Kodit WE Finance.

4. NLB Banka do të trajnojë stafin e shitjes për mundësitë e financimit për gratë sipërmarrëse dhe do të organizojë punëtori të dedikuara për NMVM-të e udhëhequra nga gratë.
   Trajnimet do të mbulojnë aftësi si edukim financiar, planifikim strategjik, aftësi negocimi dhe formalizim biznesi, dhe do të lidhen me dritaret ekzistuese të financimit. Punëtori do të organizohen edhe për zyrtarët e kredive në bashkëpunim me BERZH-in.

5. Për të thelluar marrëdhënien me klientët, NLB Banka do të promovojë përdorimin e shumë produkteve financiare nga NMVM-të e udhëhequra nga gratë, përtej kredive—si llogaritë e depozitave, garancitë, kartelat e kreditit dhe shërbimet digjitale.
   Progresi do të matet duke monitoruar numrin mesatar të produkteve të përdorura nga klientet gra çdo vit.

    

   NLB Banka do të vazhdojmë bashkëpunimin me partnerët e saj dhe me koalicionin e gjerë, për të krijuar një ndikim të qëndrueshëm dhe domethënës për gratë sipërmarrëse në Kosovë.