Çfarë është smishing?

Smishing është një formë e mashtrimit kibernetik ku sulmuesit përdorin mesazhe SMS për të manipuluar përdoruesit dhe për të siguruar qasje në të dhëna të ndjeshme, si fjalëkalime, të dhëna të kartelave bankare apo llogari në shërbime digjitale.

Në praktikë, këto mesazhe shpesh paraqiten si komunikime zyrtare nga institucione financiare dhe përmbajnë informacione që kërkojnë urgjencë, si kërkesa për verifikim të llogarisë, konfirmim pagese apo paralajmërime për bllokim të shërbimit.

Si t’a identifikoni një mesazh smishing?

• Mesazhe që krijojnë ndjenjë urgjence ose presion për veprim të menjëhershëm.
• Përdorimi i linqeve që duken si ato të faqeve zyrtare, por që nuk i përkasin domain-eve zyrtare të NLB Banka.
• Kërkesa për vendosjen e të dhënave personale apo bankare.
• Dërgimi i mesazheve nga numra të panjohur ose me formate jo të zakonshme.
•  

NLB Banka nuk kërkon në asnjë rast përmes SMS-it:

• Fjalëkalime.
• PIN-e të kartelave.
• Kode verifikimi (OTP).
• Të dhëna të tjera konfidenciale.
•  

Çfarë duhet të veproni?

• Mos klikoni në linqet e dërguara përmes SMS-ve të dyshimta ose nga dërgues të panjohur.
• Mos vendosni të dhëna personale apo bankare në faqet që hapen përmes këtyre linqeve.
• Përdorni vetëm aplikacionet zyrtare dhe faqet e verifikuara të NLB Banka

Si të veproni nëse keni rënë pre e mashtrimit ose dyshoni për mesazhe të tilla:

• Njoftoni Bankën për të bllokuar kartelën ose llogarinë dhe për të parandaluar transaksionet e paautorizuara.
• Paraqituni në stacionin më të afërt policor ose telefononi në numrin 192 për të denoncuar rastin.

Kujdesi dhe verifikimi i çdo komunikimi të dyshimtë janë hapat më të rëndësishëm për mbrojtjen e të dhënave dhe financave tuaja.