Si të mbroni pajisjet tuaja?

Përdorimi i pajisjeve digjitale si telefon, tablet e kompjuter është bërë pjesë e pandashme e përditshmërisë sonë. Këto pajisje përmbajnë shumë informacione e të dhëna personale. Prandaj, është e rëndësishme që pajisjet tuaja t’i mbroni nga qasja e personave të paautorizuar ose nga programe të rrezikshme.

Rreziqet më të zakonshme:

-          Vizita në faqe të dyshimta

-          Shkarkimi i fotografive ose dokumenteve të panjohura

-          Marrja e email-eve me përmbajtje të dyshimtë

-          Infektimi me viruse, spyware apo malware

Programet e nevojshme për mbrojtje

Për të mbrojtur pajisjen tuaj, rekomandohet të instaloni dhe përdorni:

• Antivirus dhe anti malware – për të zbuluar dhe eliminuar viruset. Antivirusi duhet përditësuar rregullisht për të siguruar mbrojtjen më të fundit.
• Firewall – për të mbrojtur rrjetin kompjuterik nga qasjet e paautorizuara dhe për të bllokuar trafikun e dyshimtë.
• Përditësimet e sigurisë – aplikoni përditësimet e rekomanduara të softuerit në pajisjen tuaj për të përmirësuar sigurinë e pajisjes.